Forum graubünden Cultura 2024

Gia per la secunda giada dapi il 2023 ha l'uniun graubünden Cultura envidà ils 22 da november 2024 la branscha al barat. En il Kino Apollo Cuira han persequità var 55 acturas ed acturs da la cultura e dal turissem ils referats e las discussiuns al podium. Els han discutà co la cultura po dar impuls persistents per il svilup da las regiuns ruralas. Ultra d'exempels inspirants dal Grischun ha in'egliada sin la Sicilia procurà per novas perspectivas. Il president da l' uniun, Stefan Forster, ha accentuà en ses pled d' avertura l' impurtanza da talas occurrenzas, sco per exempel il forum, per il barat interdisciplinar e per la colliaziun.

Per l'entrada ha il manader dal project Kaspar Howald preschentà la structura e la visiun da l'uniun graubünden Cultura. La finamira è quella da stabilir il Grischun sco destinaziun da cultura principala en las Alps.

In accent spezial han chattà ils resultats da la Road Show actuala da graubünden Cultura che Howald ha medemamain preschentà. Ils resultats mussan bain che l'interess per il turissem cultural en las destinaziuns è grond, ma per la realisaziun resta anc in potenzial considerabel che po vegnir tratg a niz vinavant.

Qua vai tar la preschentaziun da graubünden Cultura inclusiv ils resultats actuals da la Road Show da graubünden Cultura.

Esther Spycher, la manadra da project «Trun Cultura», ha accentuà l'importanza culturala da Trun sco chapitala da cultura inuffiziala dal Grischun. Cun otg lieus culturals porscha il lieu ina sporta impressiunanta. L'architect Remo Derungs da gasser, derungs Innenarchitekturen, ha preschantà singuls da quels lieus ed ha explitgà l'idea da mantgnair structuras existentas e da reanimar quellas cun novas inscenaziuns. Era l'uniun «Trun Cultura» persequitescha quella finamira. Spycher ha punctà: «A nus es important che l'ierta crodia part a l'uniun.»

Per in intermezzo varià ha procurà Pascal Werner da la «Fotostiftung Graubünden». Cun ina tscherna da maletgs ha el mussà co ch'igl inventari da fotografias istoricas vegnan conservads e rendids accessibels a las generaziuns futuras. Werner ha cumpareglià films vegls cun telefonins dad ozendi ed ha accentuà co che tals pon inspirar la glieud da raquintar novas istorgias.

Alessandro Cacciato dal Parc Cultural Favara ha dau in siu referat d'input in sguard captivont sur ils cunfins dalla Svizra ora. Favara è ina pitschna citad en la vischinanza d'Agrigento. Qua han Andrea Bartoli e sia dunna Florinda Saieva fundà l'onn 2010 in center d'art contemporana. Là vegnan mussadas exposiziuns temporaras ed installaziuns permanentas. Vitiers vegnan in program da la residenza, preschentaziuns da cudeschs e differents curs d'architectura. Ils ultims onns es reussì a Farm Cultural Park Favara da revitalisar il center istoric da Favara e d'attrair turists che s'interessan per l'art da tut il mund.

En il Scanvetg vegni reflectà da nov cun il turissem cultural. Carla Gabrì, manadra dal post spezialisà per la cultura Arosa-Scanvetg e manadra da products cultura tar Arosa turissem, Roland Schuler dad Arosa turissem ed Angela Buxhofer, presidenta dad Arosa cultura, han preschentà cuminaivlamain propostas co che la cultura ed il turissem pon ir maun en maun per realisar projects innovativs.

Ses impuls explitgeschan ch'il turissem cultural cuntegn in potenzial enorm en secturs sco l'architectura, il mund sonor, l'art u en persunalitads – betg mo per gudagnar novs giasts, mabain er per rinforzar la conscienza per il turissem en il lieu. Cun in focus sin l'utilisaziun da las resursas existentas e cun in'avischinaziun modulara pon novs projects vegnir realisads svelt ed en moda effizienta.

In film istoric or da l'archiv da la Fotostiftung Graubünden, ch'è sa fatschentà cun la fabrica a Trun, è stà ina conclusiun impressiunanta da las vistas da la cultura regiunala.

La conclusiun è stada ina discussiun al podium manada da Stefan Forster, nua che las participantas ed ils participants han explitgàor da differentas perspectivas las dumondas or dal public.

Ina dumonda ch'il public ha tschentà diversas giadas: Co vegnan finanziads projects turistics culturals? In toc per toc era la resposta. Sche las emprimas parts d'in project èn realisadas per l'emprima giada e s'etableschan plaunet, èsi d'acquistar daners simpels per ils suandants pass parzials. Tenor il medem princip vegn realisà il museum modular viaduct a Langwies, nua ch' ils singuls moduls pon vegnir realisads successivamain, uschia ch'ils meds finanzials na vegnan betg duvrads tuts durant il medem temp.