Turissem cultural en il Bündner Tagblatt

Philipp Wilhelm menziunescha il potenzial dal turissem cultural per il Grischun, surtut perquai che var 40 pertschient da tut ils viadis en la UE èn fatgs da cultura. El renda dentant attent che fin ussa profiteschian surtut las citads da quest trend. Per render la regiun pli attractiva per viagiants ch'èn interessads a la cultura èn necessarias purschidas d'auta qualitad.

Ina part centrala da questa strategia è l'iniziativa «graubünden Cultura» che duai sviluppar il Grischun sco destinaziun culturala principala. In exempel excellent è il museum da Kirchner a Tavau che preschenta las ovras dal renumà expressiunist Ernst Ludwig Kirchner. L' experientscha da viandar l' avantmezdi sin la Stafelalp e d'admirar il suentermezdi l' ovra d' art correspundenta en il museum, porscha a las visitadras ed als visitaders ina colliaziun unica cun la natira e cun l' art.

Wilhelm è persvadì ch'il turissem da cultura saja «ina part impurtanta da l'avegnir dal Grischun». El na porschia betg mo la pussaivladad da rinforzar l'identitad regiunala, mabain era da sa distanziar d'autras finamiras turisticas e da porscher als giasts experientschas nunemblidaivlas. La collavuraziun d' acturas e d' acturs publics e privats en il Grischun è decisiva per cuntanscher questa finamira e per posiziunar la regiun sco finamira attractiva per las turistas e per ils turists da cultura.